قديم 12-28-2015, 12:24 PM   المشاركة رقم: 1
المعلومات
الكاتب:
تاج السر
اللقب:
رئيس مجلس الإدارة

البيانات
التسجيل: Jul 2007
العضوية: 11
المشاركات: 3,273
بمعدل : 0.75 يوميا

التوقيت

الإتصالات
الحالة:
تاج السر غير متواجد حالياً
وسائل الإتصال:

المنتدى : ديوان الشاعر حسين بن علي بن احمد الزهراني (( عاشق الزين ))
افتراضي عاصفة الحزم

هذي بعض قصايد الشاعر حسين بن علي الزهراني احد المشاركين بعاصفة الحزم

يالله بسمك نبتدي ماغير بسمك نبتدي
ياواحدن تعلم بوادي اقلوبنا واسرارها
يالله تبعد عن وطنا كل خوان وردي
واحفضه من سود النوايا طالبك واشرارها
هذا الوطن هذا الوطن برواحنا له نفتدي
ماهمنا لو تحصد الاروح عنه اقدارها
ودعتك الله يافرح يابعد ناسي وابعدي
باروح يم الحرب دام الحرب شبت نارها
ماشين اغلا منك والله ياحياتي في يدي
انتي حياة الروح وانتي فرحها وكدارها
لكن ماني منقصر عن واجبي وانا ارتدي
لبسن يشرفني مع اطوال العرب واقصارها
اما نصل تحت الثرى والا نصل فوق الجدي
ثنتين مابي غيرها مهما تكون اخطارها
ان عشت مالك غير عزك يافرح والمسعدي
وان مت بعدي ناس بين الناس تحمي عارها
بعدي ثمان اخوان والوالد حزامي واسندي
الكل دوني مايحسب للحروب ان غارها
ابوي حتى ابليس لو قابله حالن يهتدي
من صملته تقطر له العوجا ليامن سارها
واحمد حكيم وعقله اللي لرشاده يرشدي
في راسه ارشاد الطريق القاطره واشوارها
بعده تميم اللي من العثرات فعله ينجدي
الطيبه بين الخلايق رمزها واشعارها
والا محمد صاحب العرفان والكف الندي
ماحدن يرده عالذي بين العرب يختارها
وان قلت فابراهيم فابراهيم عيني واليدي
يعرف يعامل زين شيبان العرب واصغارها
والا التوم نعم التوم فالازمه تاجي عدي
اخلاقهم تخصع لها انجاس العرب واخيارها
وسعيد صداق وعلى نيه وليلن سرمدي
راسن صليبن يعطي الحاجه على مقدارها
وسفر سفر يامطيبه في صحوته والمرقدي
وناس للجلاس من حوله يشيل افكارها
ذولا عزاتي يافرح مابينهم غير اجودي
ادعي عسى ربي على الدنيا يطيل اعمارها
خلك مع الله ياحياتي واركعي له وسجدي
هذي وصاتي ياحياتي سرها واجهارها
واعداد براقن برق واعداد رعدن يرعدي
صلا الله وسلم على سيد البشر واخيارها

ياموطني نفداك بالحال والمال
حنا جنودك عيش بمن وبماني
لجلك تركنا الاهل من حال لاحال
يعلم به اللي دونه الكل فاني
مابيننا الا معه شيبان واطفال
ماودهم يبعد عليهم ثواني
ان غاب عنهم مالقو راحة البال
وان عاد م الفرحه تهل العياني
شفنا على حدك نقاتل للنذال
كل شي من دونك على القلب هاني
ارواحنا فدوتك يادار الابطال
هذا محلك عندنا والمكاني
ان ماوفينا معك لا تعدنا ارجال
يعلنا لتهلكه والهواني
في ذمتي انا معك في كل الاحوال
اقولها في صادقات المعاني
مامنك شفنا غير خيرات واجلال
وشلون مانسكنك وسط المحاني
ارواحنا فدوتك والمال والحال
عليك ماتغلا طوال الزماني

انعمي يالحدادي واشبعي ياوحوش
من لحوم العدى برضن خذاها العدى
الذي مات منهم داد قبل النعوش
والذي ماوصله الموت عقله غدى
ربما ضرتن تنفع وتنعش نعوش
تجعل العدو ليله مضلمن سرمدى
اجتمعنا بليا ضلم وبلا غشوش
جمعتن تجعل الطامع بليا ردى
هبت العاصفه من راس مطلق يشوش
دون حد الطوارف فعل علمه بدى
والله انا جيوشن ماتهاب الجيوش
من بغانا عشى روح معانا غداى
علمو خصمنا لنصر يبطي يحوش
ماله الا الهزيمه لو يطول المدى
ماحسبنا حسابه عبس والا بشوش
دامنا نحمد الله في مسار القدى
وش لكم بالقصر ياساكنين العروش
خلو القصر لهله ياعيال الردى
شاريك بالقروش ابتاعك ابلا قروش
يوم شاف الحقايق لصواب اهتدى
ورطك وانشبك فينا بكثر الحروش
وابتعد عنك يوم الصدق برضك عدى
وانت جاهل تحسبنا عماتن طروش
مادريت اننا نترك حياتك سدى
صحت والقحش لامنه نهق للقحوش
مثل من صاح برض الخبت ماله صدى
شفو حالتك بالله يالضعيف الخروش
قلبك من الهوايل يرتجف ماهدى
انتضر موتتك لا عاد تحمل عفوش
ذا جزا ماتشوفه من علينا اعتدى
قالها شاعرن من داعية بالرقوش
جابرين حياته لجل داره فدى

ياسلام الله على الجيش السعودي
جيشنا اللي بعد ربي عزنا به
مانهاب الموت ضباط وجنودي
والعدو يخسى ويعقب مانهابه
والله انا درع وافي عالحدودي
من تقرب مايشوف الا عذابه
مانوفر لجل موطنا جهودي
ثابتين ولانهاب من الحرابه
عزمنا بالله ماينقص يزودي
كل عادي شافنا يفقد صوابه
الوطن برواحنا لجله نجودي
مغرمين بحب موطنا ومابه
نحمد الله في قيادة بن سعودي
اهل معروفن وعرفن يرتقابه
قادنا سلمان جعله للوجودي
قايدن عادل وحازم يقدتابه
وولده اللي ضد للعدى ضدودي
ياعسى المولا يبارك في شبابه
ياحاليل اللي يحسبنا يهودي
مادري انا من مواريث الصحابه
وابرهه معروف وين اصله يعودي
للجزيره موته اللي صدق جابه
مانفعه افيال واعتداد وحشودي
هذا يوم انا مفاريق وعصابه
كيف واحنا حزمتن في شكل عودي
لو نولع روحت مليون غابه
صابه الله صابه الله بالحيودي
عاد كلن عالمن باللي غدابه
اسلمو ياعدونا قبل النفودي
كان يبغي صفكم يهنى شرابه
البواسل صدق حنا والاسودي
غير رب الكون مانحسب حسابه
شرعنا الاسلام شبانن وعودي
كل واحد بيننا يده ونابه
دون مطلبنا وربي مانعودي
سلمو مابيدكم والا حرابه

لك الفخر يالعسكري والعز والنوماس لك
من غيرك العز الحقيقي بالفعايل يسلكه
انت الوحيد اللي فدى لدار بغلا ماماك
وانت الذي شرفت للميقاف برض المعركه
ان عشت والا مت دارك يفتخر فيك وهلك
ذكراك تبقي خالده ماهي من المستهلكه
من ياصاك ياعسكري في ذا الزمن من ياصلك
هنيك النوماس ياحامي حدود المملكه
لو كنت ماني عسكري كاني من الحساد لك
وشلون هذا العز ماهلا انت وحدك تملكه
كاني احترقت من القهر من كثر ماني اتخيلك
تحمي وترمي والعدو بالارض خشمه تفركه
بقلوب شعب المملكه يبقى رفيعن منزلك
تستاهل التقدير ياللي كل هادر تبركه
بيت الله وبيت الرسول اللي يشرفها اعماك
من مايدافع دونها مافيه خيرن وابركه
عدونا خاين وبيدينا بحمد ا لله هلك
واللي بقي ماراح نرجع لين والله نهلكه
يامخبلك ياللي تواجه جيشنا يامخبلك
ماتدري ان الجيش غير الله محدن ينهكه
يارض ا ليمن لو الملك يسمح دخولك ندخلك
وبندرك ا للي عاش في خاطره محدن يدركه
عفاش وانصاره ورب البيت ناخذهم علك
والحوثي الملعون مابين الطواحن نعلكه
ارض اليمن غالي والا نبغيه والله يندمك
لو كان مافيه اصانا في نصف ليله ندمكه
عفاش ماينفعك يالحوثي ولا عبدالملك
انجاس ماهم ناس بطماع الخساس مشربكه
ونتم على نيه وطحتم دون جدوى بالشرك
واللي تشوفنه نتيجة من بداره يشركه
حنا مع الله والرسول ولايمرنا الا ملك
ملك ملك مافيه خاين غير والله اربكه
ياموطني هذا انا لن عشت والامت لك
قدمت لك روحي وغير الروح ماشي املكه



ياناس من عبدالملك ذا تقولون
راعي غنم والله بحقه كثيره
كل يوم وانتم في وفاته تذيعون
تروه ورعن مايعرف الضهيره
تكبرونه ليه في كل مضمون
وهو صغيرن كل مابه صغيره
واللي معه جهال يرعون يرعون
ماهم شرف للبندقه والذخيره
مادامهم في رغبت الفرس يمشون
فهم على نيشاننا والشعيره
من جيشنا المرين والله يذوقون
الموت ماشين لهم عاد غيره
في ذمتي يالخير ماعد يشوفون
واللي غدا من هو بقي في مصيره
ماهم عرب لوهم عرب مايبعون
ارض العرب للفرس من شان ليره
ذولا حثاله كانكم ماتعرفون
ماعندهم ذرة عروبه وغيره
واللي تنصبهم ومن يعلم الكون
انه ليكره شر وقته وخيره
والله ليخضع غصب وابليس ملعون
مادام في وجه جيوش الجزيره


ياعيد بلغ كل غالي عنا
انا بخير ولا علينا اخلافي
قله على الحد الجنوبي حنا
في وجه الاعداء والصديق خلافي
لا هو مريحنا ولا مشغلنا
عدونا لجه وشين وهافي
كل يوم ياجي هقوته يقتلنا
ماغير هقواته خذته الجافي
ماله يكون الموت الا حمر منا
يتخطفه في جيته خطافي
ماهو بقاوينا ولا يزعجنا
ضعيف وقع في يد المتعافي
تعيدو وارتاح ياموطنا
الجيش دون الحد درعن وافي
حنا بعدوان الوطن عيدنا
عيديتن مامثلها ينشافي
فيها دما العادي لجسمه حنا
سته شهور وحالهم ياكافي
ياكم ضحايا بينهم وخرنا
زاد الوحوش بعمت الاطرافي
صحيح قلبي للحبايب حنا
لكن مايسمح لي الميقافي
اشتقتم ادري لشوفنا واشتقنا
لشوفكم ياعزوتي واحلافي
لكن بالله اعذرو ياهلنا
ماعاد دون الوصل شين خافي
اما ترونا بالنصر عودنا
والا ترونا فبيضن لفافي

الله اكبر يوم قالو ربوعه
العدو من خيبته نالها
اعتزا الرابع وحنا دروعه
روسنا شاشت وقلنا لها
اتجهنا له وضاعت طموعه
مع هبوب الريح بامالها
من بقي حسره غدت به ولوعه
يلعن اليوم الذي جالها
كلها ساعه وراحت جموعه
من رجالن تذهل افعالها
مالقي الباكي مكفف دموعه
في لقا القوات وابطالها
ياقف العادي ونفسه جزوعه
مامعه حيله ويحتالها
ياحليله يوم بقعا تصوعه
مثل بندق دون زرفالها
ان هرب والا حرب ماتزوعه
رجله اللي صكت اقفالها
مامعه ياكود يعلن خضوعه
دام مابه شي يقولها



واقسم برب البيت قطاع الايمان
قدام يبدى هاجسي في طروقه
ياللملكه يامن نواها بعدوان
انه لياقف ماجرى في عروقه
قدام ياصل بالردى كان من كان
مادام فينا حي محدن يبوقه
ديارنا ماهي لضايع وخوان
ديارنا كلن توفي حقوقه
بالهون ياللي تذكر ابواب نجران
نجران فيها ناس مثلك تسوقه
وشلون واحنا دونها يبن طهران
بدري تقف واحنا شراويك فوقه
تدري تعال ان كنت بالفعل فسقان
خلك تذوق اللي ربوعك تذوقه
وقدام تاجي شوف عفاش يفلان
بالله ساله وش مغطي حروقه
وعبدالملك قايدك فاشل وجابان
مسكين ثوبه زاد بيده شقوقه
وشعب السعوديه بخيرن ونعمان
غير الله المعبود ماشي يعوقه
امثالكم رعيان للمعز والضان
واللي وراها تاكله ياتحوقه
قبلك عرب يسلم لها كل شيطان
وانتم بقايا نحل طارت فروقه
حنا رجال الدين وجنود سلمان
وسلمان قطاع اليدين السروقه
عزيز عز الدين في كل الاوطان
والحق مايرضى بليا شروقه
وصلا الله وسلم على نسل عدنا
محمد اللي كل مابه صدوقه


يالله ياللي منك روحي وعودها
يالله تغفر ذنبها قبل عودها
ويالله وجهني على الخير والقدى
والا تحمل نفسي الا جهودها
حنا بذلناها لدينك وللوطن
في صادرتها كان والا ورودها
الله ياما العين تسهر من اجلها
ماعاد حسبنا ارواحنا في حدودها
كل شي هملناه حتى ربوعنا
خدودنا ماعاد جت في خدودها
حتى اهلنا زوار صرنا نجيلهم
مثل الذي متقفيتها طرودها
ياما كلتنا الشمس من زود حرها
وياما الشماليه بلتنا بنودها
والبعض مايدري عن اللي نكابده
نفسه من الراحه تزايد برودها
في باله العدوان ماراح تاصله
مايدري ان اوقاتنا في صدودها
مايعرف اللي عايشينه وعايشه
الين تاصله المصايب وذودها
مايحمد الله عالنعايم ويشكره
في ديرتن ماجاد من غير جودها
والبعض ربي يسعده شال همنا
وده يكون اللمملكه من جنودها
هذا اعربين بالفعايل ومسلمي
حميته لدار روحه تسودها
الله يلعن من رضا في بلادنا
وهو حايته راوين من عدودها
والله يحمي كل من هو حمالها
والله يحفضها ويحفض جنودها

سلام قدام المعاني تلاحم
وانساه من شين توارد بدوعه
على رجالن فالمواقف تقادم
ماهمها العادي ولا من جموعه
ماودها الا كل لحضه تهاجم
تدعس على الحوثي وتلعن تبوعه
الين يفنى ضدنا من تلازم
وينقطع ساسه وتيبس فروعه
الحرب ماهو شر والخير قادم
والعز يوم انا لبسنا دروعه
حنا كما موج البحر لا تلاطم
اما اغرق السباح والا يروعه
حنا جبالن شامخه ماتهادم
في طوعها من جا والاهي بطوعه
والا العدو ماهو كفو للمصادم
لو نصدمه مره تسابق دموعه
ضعيف ماهو قدنا لو يراجم
ورطه ورط في جيته من رجوعه
مهزوم ماهو للمطاليق هازم
مهما صمل معروف حجمه ونوعه
تدرون فينا وش مخليه حالم
وجهن عطيناله وسبب طموعه
ماينعطى للوجه مثله بنى ادم
مثله ندوسه قبل جملة ربوعه
تروه ادات ايران وايران خادم
لبليس وابليس العور به قنوعه
تكفون يالشجعان شدو المحازم
الا متى الحوثي يشوف الربوعه
بلادنا ماهي بلاده تعادم
شره علينا مانطفي شموعه
نبغي الخلايق من فعلنا تعالم
وشلون منا كان منها طلوعه
تكفون يالشجعان ودي نهاجم
الين تصبح من ورانا الربوعه



يقول حسين في مبدى كلامه
تميم الحمدالله ع السلامه
خطاك الشر ياخي نحمد الله
وعدى كل شين بالسلامه
انا ونته فداوي مملكتنا
حيات العز يامتنا كرامه
وحب الدين والدار وملكنا
معانا حي لا يوم القيامه
تربينا على عز وطناخه
ولا نرضا المذله والرخامه
ربانا اللي تنومسنا علومه
ابونا اللي يشرفنا مقامه
انا ماشوف في الدنيا نديدك
عدانا كلهم مثل النعامه
انا عفت العمر من ماجرالك
وساقك هلت عيوني عضامه
تركت الحرب من شانك وربي
وهو للقلب يالغالي غرامه
وبرجعله على شانك ولجلك
ولو مابي تسبب في عدامه
عساها ماتموت الحرب ياخي
الين القلب يتحقق مرامه
ولا خوفي يكون الحرب تاقف
وتبقي للقهر فيني علامه
انا مرتاح لين ابرد غليلي
وراك بخير في شهق تهامه
ودون الاهل والدين وبلدنا
نعيش نموت مافيها ندامه

ياجاهلين الحرب هذي هي الحرب
مافيه حربن مايوخر ضحايا
بنيتن في باديتها تبا العب
لكن نهايتها عجوز البلايا
سلو مجرب شاربن كاسها شرب
كم حافته منها سهوم المنايا
ماغير غير الله والله محسب
لو تصبح اوراق العمر في طوايا
النصر يبقى لي مخلوق مطلب
وكلن يشوفه في عيونه تحايا
وش حصل التبع مع قوم تغلب
من شان رغباته بزين الحلايا
اقفت بروحه بين سايس ومعجب
ومن رغبته راحو ربوعه ضحايا
حنا عرب واللي يحارب لنا عرب
وحرب العرب معروف عند البرايا
تاريخنا مشهور بالحرب والحب
وافعالنا بين الخلايق روايا
ماعندنا الا الموت والسب والضرب
ماعندنا روح وتال وترايا
واللي يتعبنا على البال يتعب
ماراح يفرح من عضيم السوايا
عدونا يخسى ويعقب ويترب
ماله يكون المفرده والصلايا
اليا اقترب منا له الموت يقرب
واليا ابتعد عنا شوته الشوايا
عفاش والحوثي وتباعهم جرب
من وين ماراحو خباث النوايا
بغت تمقلبنا وطاحت بمقلب
ماعاد من بعده تشوف العلايا
هذا جزاء اللي عندنا يخطي الدرب
نترك مصاويبه طعام الحدايا
ويالله في حسن الخواتيم يارب
ولا تبقي في كتابي خطايا












توقيع : تاج السر


إذا المرءُ لا يرعاكَ إلا تكُّلفاً
فدعهُ ولا تكثر عليه التَّأسفا
فَفِي النَّاسِ أبْدَالٌ وَفي التَّرْكِ رَاحة ٌ
وفي القلبِ صبرٌ للحبيب ولو جفا
فَمَا كُلُّ مَنْ تَهْوَاهُ يَهْوَاكَ قَلْبُهُ
وَلا كلُّ مَنْ صَافَيْتَه لَكَ قَدْ صَفَا
إذا لم يكن صفو الوداد طبيعة ً
فلا خيرَ في ودٍ يجيءُ تكلُّفا
ولا خيرَ في خلٍّ يخونُ خليلهُ
ويلقاهُ من بعدِ المودَّة ِ بالجفا
وَيُنْكِرُ عَيْشاً قَدْ تَقَادَمَ عَهْدُهُ
وَيُظْهِرُ سِرًّا بِالأَمْسِ قَدْ خَفَا
سَلامٌ عَلَى الدُّنْيَا إذا لَمْ يَكُنْ بِهَا
صديق صدوق صادق الود منصفا

ابو عبدالعزيز

عرض البوم صور تاج السر   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
( الحزن ) البـ ح ـر ديوان الشاعر محمد بن تميم بن احمد الزهراني (( البحر )) 0 01-02-2015 06:13 AM
فضل الحسن والحسين بحر الهوى المنتدى الإسلامي العام 3 01-17-2010 10:23 PM
أحببت الحزن لكن؟؟ أبو شنب الركن الهادئ 5 12-21-2007 08:54 PM
إلى كل من سكن الحزن قلبه روح مغليها المنتدى العام 7 12-17-2007 03:56 PM


الساعة الآن 03:54 PM

ترقيه  : واستضافة الكثيري نت


Powered by vBulletin® Version 3.8.5
Copyright ©2000 - 2019, Jelsoft Enterprises Ltd.